Выстава “Што ў полі вырасла” з’явілася нядаўна. Аляўціна Іванаўна Саўчук на яе аснове падрыхтавала цікавую экскурсію “Культурныя расліны поля”. Сучасныя дзеці з цяжкасцю могуць адрозніць жыта ад пшаніцы, а проса ды лён бачылі толькі ў падручніку. Але ў нашым музеі можна ўсё ўбачыць сваімі вачамі, даведацца шмат новага пра зерневыя ды тэхнічныя культуры і навучыцца адрозніваць усе зярняткі на практычнай рабоце.