ПАЛАЖЭННЕ аб народным комплексным (літаратурна-краязнаўчым) музеі “Скарбы роднага краю” дзяржаўнай установы адукацыі “Сярэдняя школа №7 г. Кобрына”
Графік экскурсій у музеі “Скарбы роднага краю” 2023-2024 навучальны год
План работы народнага літаратурна-краязнаўчага музея “Скарбы роднага краю” на 2023/2024 навучальны год
Канцэпцыя развіцця народнага літаратурна-краязнаўчага музея ДУА «Сярэдняя школа №7 г. Кобрына»
Савет музея на 2022-2023 навучальны год
Прэзентацыя работы музея "Скарбы роднага краю"
Добры дзень!
Вас вітае народны літаратурна-краязнаўчы музей “Скарбы роднага краю”. У нашым музеі сабраны не срэбра і золата, не каштоўныя камяні, а духоўныя і культурныя каштоўнасці беларускага народа.
Наш музей – куточак беларускасці, месца, дзе гучыць беларуская мова, жыве беларуская песня і зберагаюцца беларускія народныя традыцыі.
Нездарма дэвізам работы музея з’яўляюцца словы Анатоля Кудласевіча:
Не цяжка ўбачыць роду карані,
Бо чалавек трымаецца асновай
За глебу продкаў. Божа, барані
Забыцца нам, адкуль мы родам...
Музей адкрыты ў 2004 годзе на падставе загаду № 181 ад 30.08.2004.
Пастановай Міністэрства культуры Рэспублікі Беларусь ад 15.07.2019 года № 33 музею прысвоены статус “народны”.
Агульная плошча музея складае 83,1 м2.
Ля вытокаў музея стаялі настаўнікі нашай школы: Сіманава Ірына Эдуардаўна, Папроцкая Галіна Васільеўна, Чысцік Святлана Аляксандраўна. З 2015 года кіраўніком музея з’яўляецца Мех Наталля Аляксандраўна.
Асноўны фонд налічвае 865 прадметаў, навукова-дапаможны – 279 прадметаў. Усяго – 1144 прадмета.
Экспазіцыя музея ўвесь час папаўняецца новымі экспанатамі, арганізоўваюцца часовыя выставы.
Да самых каштоўных экспанатаў музея адносяцца ложак драўляны, стол з разнымі ножкамі, тканыя посцілкі, ступа з таўкачом, калаўрот, ручнікі тканыя, ручнікі вышываныя, куфар каляровы, кросны, жорны, мужчынскае і жаночае адзенне, гліняны посуд, шкляная мухалоўка.
За апошнія 3 гады музей наведалі 7029 чалавек.
Экспазіцыйная дзейнасць музея:
• Літаратурная Берасцейшчына
• Літаратурная Кобрыншчына
• Кобрыншчына ў лёсе паэтаў
• Мы кабрынчане
• Юбіляры года
• Літаратурныя сустрэчы
• Падарункі музею ад аўтараў кніг
• Батлейка
• Беларуская народная лялька
• Вырабы з саломкі
• Разьба па дрэве
• Беларускі нацыянальны касцюм
• Што ў полі вырасла
• Прылады для апрацоўкі ільну
• Мова сімвалаў беларускага ручніка
• Посцілкі
• Памятны вясельны фотаздымак
• Вышываныя дарожкі
• Вышываныя карціны
• Збаны ды глякі – посуд такі
• Куток пчаляра
Асноўнымі накірункамі дзейнасці музея з’яўляюцца:
камплектаванне і ўлік музейных фондаў;
арганізацыя пошукава-даследчай дзейнасці з мэтай усебаковага вывучэння гісторыі, культуры і прыроды свайго рэгіёна;
арганізацыя культурна-асветніцкай і грамадска-карыснай дзейнасці сярод удзельнікаў адукацыйнага працэсу і грамадскасці;
выкарыстанне фондаў музея ў адукацыйным працэсе.
Музей мае вялікі адукацыйны і выхаваўчы патэнцыял для выхаванцаў дзіцячых садкоў, навучэнцаў і дарослых. Мэта работы музея – выхаванне любові да роднага краю, роднай мовы праз вывучэнне традыцый і звычаяў нашых продкаў, знаёмства з сучаснымі паэтамі і пісьменнікамі-землякамі.
У пазакласнай рабоце матэрыялы музея выкарыстоўваюцца пры падрыхтоўцы юных экскурсаводаў, лектарскіх груп, распрацоўцы тэматыкі масавых мерапрыемстваў, напісанні навукова-даследчых работ.
У рабоце музея шырока выкарыстоўваюцца інфармацыйныя тэхналогіі, што дазваляе актывізаваць даследчую і пазнавальную дзейнасць навучэнцаў. Прымяняюцца аўдыёвізуальныя і камп’ютарныя сродкі, мультымедыйныя прэзентацыі, створана віртуальная экскурсія па музеі, сфарміраваны электронны каталог музейных прадметаў. З 12014 года выпускаюцца інфамацыйныя буклеты пра дзейнасць музея.
На базе музея праводзяцца літаратурныя сустрэчы, семінары, дні роднай мовы, конкурс “Жывая класіка”, майстар-класы па вырабе народных лялек, батлеечныя спектаклі, квэст-экскурсіі, тэатралізаваныя экскурсіі, экскурсіі «майстар-клас», музейныя святы.
Работай музея кіруе Савет музея.
Пры музеі працуюць аб’яднанні па інтарэсах:
• Юны экскурсавод (кіраўнік Хведасюк Л.С);
• Батлейка (кіраўнік Чалюк А.П.);
• Краязнаўча-патрыятычны клуб “Спадчына” (кіраўнік Алейнік Г.М.).
Узнагароды:
Дыплом рэспубліканскага фестывалю-конкурсу праектаў навучэнцаў “Нашчадкі традыцый” калектыву навучэнцаў аб’яднання па інтарэсах “Батлейка”, намінацыя “Сучаснасць і традыцыі: беларуская батлейка”, 2019
Дыплом IIIступені Міністэрства адукацыі Рэспублікі Беларусь Мех Н.А. за ўдзел у рэспубліканскім конкурсе этнаграфічных музеяў у намінацыі “Лепшы этнаграфічны музей” у рамках акцыі “Я гэты край Радзімаю заву”, 2021
Дыплом VI рэспубліканскага агляду-конкурсу “Здравствуй, мир!” Курышка Мікіта, 2021
У музеі распрацаваны экскурсіі, на якія запрашаем усіх жадаючых.
Кіраўнік музея Мех Наталля Аляксандраўна,
тэлефон +375-29-826-41-56
Кіраўнік музея Мех Наталля Аляксандраўна,
Тэлефон +375-29-826-41-56